20 Feb Por montar un teatro
Dixo unha vez Laurence Olivier que “Nunha pequena ou gran cidade, ou unha vila; un gran teatro é o signo visible de cultura”. Así que temos que agradecer aos nosos protagonistas que puxeran toda a súa ilusión, e aforros, en montar precisamente iso: un teatro.
Marcos Alonso, Beatriz Alonso, Fernanda Barrio e Óscar Casal decidiron montar Artika Teatro. Unha sala de teatro e moito máis. Tamén imparten cursos para nenos e maiores. E comparten a súa paixón por facer cousas con todo aquel que teña unha boa idea detrás. Cando gravamos o noso video, mesmo coincidimos coa rodaxe dunha webserie!
O noso ribeiro Gran Alanís brinda con eles e elas polo éxito do seu proxecto. E por que continúen a traer cultura e emocións as nosas vilas!
Se queredes coñecer máis sobre o seu proxecto, podedes visitalos no seu Facebook: Artika Cultura y Arte
No Comments